مەسعوود حەیدەر: سەردانەکەی بارزانی بووە هۆی توانەوەی بەستەڵەكی كێشەكانی نێوان هەرێم و بەغداد

کوردپرێس:

مەسعوود حەیدەر پەڕلەمانتاری پێشووی بزووتنەوەی گۆڕان لە پەرلەمانی عێراق بوو و لە سەردانەکەی ئەم دواییەی مەسعوود بارزانیشدا ئەندامێكی شاندی باڵای پارتی دیموكراتی كوردستان بۆ سەردانكردنی بەغدا و لەو بارەیەوە بە دەنگی ئەمریکای وتووە: “ئەو سەردانە بووە هۆی توانەوەی بەستەڵەكی كێشەكانی نێوان هەرێم و بەغداد، و دەرگای چارەسەری بەڕووی هەموو كێشەكان لە عێراق كردەوە، بەو هۆیەوە سەركردە عێراقییەكانیش هەمووان سەردانی هەولێر دەكەن”.

هەروەها ناوبراو ئەوەش دەڵێت “سەركردە عێراقییەكان وەك زەعیم و مەرجەعێكی كورد پێشوازییان لە بارزانی كردووە بەجۆرێك لەهەموو كۆبونەوەكاندا بە بارزانیان وتووە بارزانی لەكوێ بێت چارەسەری كێشە لەوێیە، داوای دەستپێشخەرییان لەبارزانی كردووە بۆ چارەسەری كێشەكان و بارزانییش وتوویەتی بەخۆشحاڵییەوە دیراسەی دەكەین”.

لەبارەی كۆبوونەوە لەگەڵ سەرۆك كۆمار مەسعوود حەیدەر دەڵێت “لە ئەجێندای وەفدەكە نەبوو كۆبونەوە لەگەڵ سەرۆك كۆمار بكات.”