جێگری سەرۆكی حكوومەتی هەرێم بڕیارێک لەبارەی حیزبە سیاسییەکانەوە دەردەکات
بەشی عێراق و هەرێمی کوردستان- جێگری سەرۆكی حكوومەتی هەرێم، بڕیارێكی نوێ لەبارەی حزب و رێكخراوە سیاسییەكان دەردەكات و بەگوێرەی بڕیارەكە، هەر حزبێكی سیاسی مۆڵەتی یاسایی لەلایەن وەزارەتی ناوخۆوە نەبێت، بارەگاكانیان دادەخرێت و سەرجەم چالاكییەكانیشیان رادەگیرێت.
کوردپرێس: بەگوێرەی بڕیارێكی قوباد تاڵەبانی ئەگەر لایەنێكی سیاسی مۆڵەتی یاسایی لە وەزارەتی ناوخۆی هەرێم وەرنەگرێت، بارەگاكانیان دادەخرێت و سەرجەم چالاكییەكانیشیان رادەگیرێت.
ئەوەش خراوەتەروو، كە بڕیارەكەی جێگری سەرۆكی حكوومەت لەلایەن دەزگای ئاسایشی هەرێم و وەزارەتی ناوخۆ لە رۆژی دەرچوونییەوە جێبەجێی دەكرێت.
بەگوێرەی بڕیارەكەی قوباد تاڵەبانی، هەموو ئەو حزب و رێكخراوە سیاسییانەی كە مۆڵەتیان نییە، بۆیان نییە هیچ چالاكییێكی سیاسی ئەنجام بدەن، بە پێچەوانەوە رووبەڕووی لێپێچینەوەی یاسایی دەبنەوە.
سەرچاوە: SNN
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران