هاوسەرۆکی پەیەدە:
ئامادەین بۆ کۆنگرەی نیشتمانیی کورد
بەشی سووریا- شاهۆز حەسەن، هاوسەرۆکی پارتی یەکێتیی دیموکراتی سووریا ڕایگەیاند: بۆ ئەنجام دانی کۆنگرەی نیشتمانیی کوردستان ئامادەی هەر چەشنە هەوڵ و تێکۆشان و قبووڵ کردنی بەرپرسیارێتیین.
بەپێی هەواڵی کوردپرێس، شاهۆز حەسەن، هاوسەرۆکی پارتی یەکێتی دیموکراتی سووریا لە وتەکانیدا وێڕای ڕاگەیاندنی ئامادە بوونی حیزبەکەی بۆ بەڕێوەبردنی کۆنگرەی نیشتمانیی کوردستان زیادی کرد: بۆ ئەنجام دانی کۆنگرەی نیشتمانیی کوردستان ئامادەی هەر چەشنە هەوڵ و تێکۆشان و قبووڵ کردنی بەرپرسیارێتیین، بۆ ئەوەی کە لە ڕۆژئاوا و دیکەی ناوچە کوردنشینەکاندا پێوەندییەکانمان لەگەڵ حیزبە کوردییەکان گەشە پێبدەین زۆر کارمان ئەنجام داوە.
ناوبراو لە درێژەی وتەکانیدا ئاشکرای کرد: ئەگەر حیزبە سیاسییە کوردەکان لێکتر نزیک ببنەوە و لە نێوانیاندا یەکگرتووی دروست ببێت لە پرسە ناوچەییەکاندا بەهێزتر ئامادە دەبن، هێشتا کات لەدەست نەچووە ئەو دوورییە کە لە نێوان حیزبە کوردییەکاندا دروست بووە دەبێت هەڵبگیردرێت.
سەرچاوە: هاوار نیووز
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران