سکای نیووزی عەرەبی:
عادل عەبدولمەهدی ناوچەی سەوز بەڕووی خەڵكی بەغدا دەكاتەوە
بەشی عێراق و هەرێمی کوردستان- سەرچاوە ئاگادارەکان لە عێراق ڕایدەگەیێنن: عادل عەبدولمەهدی سەرۆک وەزیرانی عێراق بڕیاری داوە ناوچەی سەوزی شاری بەغدا بەڕووی خەڵكی شارەكەدا بكاتەوە.
بەپێی هەواڵی کوردپرێس، كەناڵی سكای نیوز بڵاوی كردەوە، عادل عەبدولمەهدی بە فەرمانێک و لە رۆژی یەكشەممەی داهاتووەوە ناوچەی سەوز بەڕووی خەڵكی بەغدا دەكاتەوە.
پێشتر سەرۆک وەزیران رایگەیاندبوو كە پرسی كردنەوەی ناوچەی سەوز بەڕووی خەڵكی بەغدا مشتومڕی دروست كردووە، بەڵام ئەو گوێ بەمشتومڕەكان نادات و بڕیارەكەی جێبەجێ دەكات.
ناوچەی سەوز دەكەوێتە ناوەڕاستی شاری بەغدا و بەهۆی بوونی زۆربەی سەرۆكایەتی و دامەزراوەكانی عێراق و ماڵی بەرپرسانی حیزبی و حكوومی لەو ناوچەیە ماوەیێكی زۆرە بەڕووی هاتووچۆی خەڵكی ئاسایی داخراوە.
کۆدی هەواڵنێر: 60113
بۆچوونی بەکارهێنەران