بەرهەم ساڵح بووە سەرۆککۆماری عێراق
کوردپرێس:
پۆستی سەرۆککۆماری عێراق لە خولی یەکەمی هەڵبژاردندا یەکلا نەبوویەوە و پێش ئەوەی خولی دووهەم دەست پێبکات مەسعوود بارزانی سەرۆکی پارتی دیموکراتی کوردستان ڕەخنەی لە پڕۆسەی هەڵبژاردنی سەرۆککۆمار گرت و ڕایگەیاند ئەو ئالیەتەی پێ قبووڵ ناکرێت کە ئێستا کاری پێدەکرێت بۆ هەڵبژاردنی سەرۆککۆماری عێراق. بۆیەش فواد حسێن کاندید پارتی بۆ ئەو پۆستە کشایەوە و ئەگەرچی سەرۆکی پەڕلەمان داوای ناوبراوی قبووڵ نەکرد بەڵام ناوبراو لەگەڵ فراکسیۆنی پارتی هۆڵی پەڕلەمانیان بەجێ هێشت و بەرهەم ساڵح بە زۆرینەی دەنگ وەکوو سەرۆککۆماری عێراق هەڵبژێردرا.
بەرهەم ساڵح پاش جەلال تاڵەبانی و فواد مەعسووم سێهەم کەسایەتیی یەکێتییەکە پۆستی سەرۆککۆماری عێراق وەردەگرێت ئەوەش پاش گەڕانەوەی بۆناو ڕیزەکانی یەکێتی لە سەر بڕیاری ڕێککەوتن لەگەڵ ژمارەیێک لە ئەندامانی سەرکردایەتیی ئەو حیزبە.
بۆچوونی بەکارهێنەران