سەرکردەیێکی هاوپەیمانیی فەتح:
ئەگەر هەیە ئەو کاندیدانەی بەشداریی ڕیفراندۆمی هەرێمی کوردستانیان کرد بایکۆت بکرێن
بەشی عێراق و هەرێمی کوردستان- ئەندامێکی سەرکردایەتیی هاوپەیمانیی فەتح وتوویەتی ژمارەیێک لە لایەنە عێراقییەکان بڕیاریان داوە ڤیتۆیان لە سەر ئەو کاندیدانە هەبێت کە بەشدارییان لە ڕیفراندۆمی سەربەخۆییی هەرێمی کوردستان کردووە و ئێستەش کاندیدی سەرۆککۆماریی عێراقن.
کوردپرێس:
عامر فایز ئەندامی سەرکردایەتیی هاوپەیمانیی فەتح لەو بارەیەوە بە ئاژانسی "عین العراق نیوز"ی وتووە ژمارەیێک لە نوێنەرانی ئەندامی هاوپەیمانیی بونیاتنانەوە و دیکەی نوێنەرە سوننەکانیش بڕیاریان داوە دەنگ بەو کاندیدانەی سەرۆککۆماری نەدەن کە بەشداریی ڕیفراندۆمەکەی 25ی ئەیلوولی 2017ی هەرێمی کوردتانیان کردبوو.
فایز جەختیشی کردەەوە سەرۆککۆماری داهاتووی عێراق دەبێت کەسایەتییێکی نەتەوەخواز و پارێزەری یەکڕیزیی نیشتمانی و دەستووری عێراقی بێت.
ناوبراو ئەوەشی زیاد کرد کە پەڕلەمانتارانی پەڕلەمانی عێراق لە دانیشتنی ڕۆژی دووشەمەدا سەرۆککۆماری نوێی عێراق دیاری دەکات.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران