شاندێكی چوار لایەنەكە سەردانی بەغدا دەكات
بەشی عێراق و هەرێمی کوردستان- وتەبێژی هاوپەیمانی دیموكراسی و دادپەروەری رایگەیاند هەفتەی داهاتوودا شاندی چوار لایەنەكە لە بەغدا دەبێت و ئامادەی سوێند خواردنی پەرلەمانتاران و دانیشتنی رۆژی دووشەممەی پەرلەمان دەبێت.
بەپێی هەواڵی کوردپرێس، رێبوار كەریم وتیشی: "هەر لە دوای دروست بوونی هاپەیمانێتی هەر چوار لایەنی هاوپەیمانی و گۆڕان و كۆمەڵ و یەكگرتوو بڕیارمان لەوەدا دابوو كە شاندی هاوبەش دروست بكەین و بۆ دانووستان و گفتوگۆ لەگەڵ لایەنە جیاوازەكان".
ناوبراو ئاماژەی بەوەش كرد، لە دوای ئەو دانیشتنە شاندەكە دەست بە گفتوگۆ و كارنامەی خۆی دەكات لەگەڵ لایەنەكاندا.
26ی ئەم مانگە هەریەكە هاوپەیمانی و گۆڕان و كۆمەڵ و یەكگرتوو لە سلێمانی كۆ بوونەوە و دوای كۆبوونەوەكە ئاشكرایان كرد، هاوپەیمانێتییێک بۆ چوونە بەغدا پێك دەهێنن.
سەرچاوە: خەندان
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران