وه‌زیری وزەی ئێران: ناردنی کارەبا بۆ عێراقمان ده‌ست پێکردوووه
به‌شی ئێران/ کوردی- وه‌زیری وزه‌ی ئێران ڕای‌گه‌یاند: "ئێران ده‌ستی كردۆته‌وه به هه‌نارده‌كردنی كاره‌با بۆ عێراق و ئه‌فغانستان و پاكستان".
به‌پێی هه‌واڵی کوردپرێس، ڕۆژی شه‌ممه 25ی ئاب ڕه‌زا ئه‌رده‌كانیان له میانی وته‌یێكدا له كۆنگره‌ی هه‌فته‌ی ده‌وڵه‌تدا ڕای‌گه‌یاندوووه: "ده‌ستیان كردۆته‌وه به هه‌نارده‌كردنی كاره‌با بۆ وڵاتانی دراوسێ و جه‌ختیشی كرده‌وه كه پابه‌ند ده‌بن به به‌ڵێننامه‌كانیانه‌وه له بواری وزه‌دا له‌گه‌ڵ ئه‌و وڵاتانه".
وه‌زیری وزه‌ی ئێران دەربارەی قه‌رزه‌كانی عێراقه‌وه په‌یوه‌ست به هاورده‌كردنی كاره‌با له ئێرانه‌وه گوتی: "لایه‌نی عێراقی به‌ره به‌ره ده‌ستی كردوووه به دانه‌وه‌ی قه‌رزه‌كان و هیواشی خواست عێراق پرۆسه‌ی پێدانی ئه‌و قه‌رزانه به ئێران خێرا بكات".
سه‌رچاوه: میدیاکانی ئێران
کۆدی هه‌واڵنێر: 60103
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران