باڵوێزی عێراق لە تاران: کۆمسیۆنی هاوبەشی نێوان ئێران و عێراق لەبارەی مەلەفی ئاوەوە پێک دێت
بەشی عێراق و هەرێمی کوردستان- باڵوێزی عێراق لە ئێران وتوویەتی بەم زووانە کۆمسیۆنی هاوبەشی نێوان ئێران و عێراق لەبارەی مەلەفی ئاوەوە پێک دێت.
کوردپرێس:
ڕاجح مووسەوی لەو بارەیەوە بە ڕادیۆ مەربەدی وتووە کۆمسیۆنە هاوبەشەکەی نێوان ئێران و عێراق بەمەبەستی موناقەشەکردنی مەلەفی ئاو لە نێوان دوو لایەندا بەڕێوە دەچێت و لە بەر ڕۆشناییی ئەوەی کە ئێرانیش خۆی گیرۆدەی کەمئاوی بووە ڕەنگە دەستکەوتی باشی و ئیجابی لە کۆمسیۆنەکە بەدەست بهێنین.
ناوبراو زیادی کرد: کۆتەلە پسپۆڕییەکانی نێوان ئێران و عێراق لەبارەی کۆمەڵێک لە ڕووبارە هاوبەشەکانی نێوان ئێران و عێراقیش گفتوگۆ دەکەن کە هەندێکیان وشک بوون و ئاوی هەندێکیشیان بۆ ناوچەکانی دیکە گوازراوەتەوە.
مووسەوی جەختیشی کردەوە کە مەوزووعی بەستنی بەنداو لە ڕووباری شەتولعەرەب یەک لەو تەوەرە گرینگانە دەبت کە بەرپرسە ئێرانی و عێراقییەکان بە مەبەستی ڕێگری کردن لە ڕژانی ئاوەکەی بۆ ناو دەریا گفتوگۆی لە سەر دەکەن.
بۆچوونی بەکارهێنەران