کۆگایێکی چه‌ک و ته‌قه‌مه‌نی له نزیک هه‌ولێر ته‌قییه‌وه
به‌شی عێراق و هه‌رێمی کوردستان- له گوندێکی نزیک شاری هه‌ولێر کۆگایێکی چه‌ک و ته‌قه‌مه‌نی ته‌قییه‌وه.
به‌پێی هه‌واڵی کوردپرێس، کاژێر 11:00ی شه‌وی 5-8-2018، کۆگایێکی چه‌ک و ته‌قه‌مه‌نی له نزیک گوندی کانی قرژاڵه ته‌قیوه‌ته‌وه و تاوه‌کوو ئێستا هۆکاری ته‌قینه‌وه‌که‌ی دیار نییه.
زانیارییه سه‌ره‌تایییه‌کان باس له‌وه ده‌کات که "کۆگاکه هی هێزی پشتیوانی یه‌کی پێشمه‌رگه‌یه".
گوندی کانی قرژاڵه به دووری نزیکه‌ی 10 کیلۆمه‌تر ده‌که‌وێته ڕۆژئاوای شاری هه‌ولێر و ئه‌وه‌ش شه‌شه‌مین کۆگای چه‌ک و ته‌قه‌مه‌نییه که له دوو مانگی ڕابردوو له هه‌رێمی کوردستان ته‌قیبێته‌وه.
سه‌رچاوه: شارپرێس
کۆدی هه‌واڵنێر: 60103
بۆچوونی بەکارهێنەران