جه‌بار لوعێبی: عێراق ڕێژه‌ی هه‌نارده‌ی نه‌وت بۆ 7.5 ملیۆن به‌رمیل له ڕۆژ به‌رز ده‌كاته‌وه
به‌شی عێراق و هه‌رێمی کوردستان- جه‌بار لوعێبی وه‌زیری نه‌وتی عێراق ڕای‌گه‌یاند: عێراق ڕێژه‌ی هه‌نارده‌ی نه‌وت بۆ 7.5 ملیۆن به‌رمیل له ڕۆژ به‌رز ده‌کاته‌وه.
به‌پێی هه‌واڵی کوردپرێس، ئه‌مڕۆ دووشه‌ممه 6ی ئاب جه‌بار لوعێبی له میانی لێدوانێكیدا وتی: ڕێژه‌ی هه‌نارده‌ی نه‌وتی عێراق بۆ 7.5 ملیۆن به‌رمیلی ڕۆژانه به‌رز ده‌كرێته‌وه ئه‌وه‌ش به‌پێی پلانێک كه له ساڵی 2023 و 2024 جێبه‌جێ ده‌كرێت.
وه‌زیری نه‌وتی عێراق گوتیشی: ئێستا ڕۆژانه 6 ملیۆن به‌رمیل هه‌نارده ده‌كه‌ن و بۆ گه‌یشتن به‌و ڕێژه‌یه‌ش پێویستیان به 1.5 ملیۆن به‌رمیلی‌تری ڕۆژانه‌یه.
لوعێبی پێشبینی ئه‌وه‌شی كردوووه نرخی نه‌وت له بازاڕه‌كانی جیهان جێگیر بێت به‌بێ ئه‌وه‌ی ورده‌كاریی نرخه‌كه‌ی بخاته ڕوو.
سه‌رچاوه: شارپرێس
کۆدی هه‌واڵنێر: 60103
بۆچوونی بەکارهێنەران