پارێزگاری پێشووی نەیەنوا:
مەترسیی دووبارە داگیرکردنەوەی مووسڵ لەلایەن داعشەوە هەیە
بەشی عێراق و هەرێمی کوردستان- بەرپرسێکی باڵای عێراقی ھۆشداریی لە گەڕانەوە و سەرھەڵدانەوەی رێکخراوی تیرۆریستی داعش لە وڵاتەکەی، دەدات.
بەپێی هەواڵی کوردپرێس، رۆژی یەکشەممە ٥/٨/٢٠١٨، ئەسیل نوجەیفی، پارێزگاری پێشووی نەیەنوا و یەکێک لە سەرکردەکانی پێکھاتەی سوننەمەزھەبی عێراق رایگەیاند: ماوەیێک پێش ئێستا چەکدارانی داعش لەسەر سنووری نێوان عێراق و سووریا لە پارێزگای نەینەوا جووڵەیان ھەبووە.
ئەسیل نوجەیفی ھەروەھا ڕایگەیاندووە ئەو چەکدارانەی داعش بەبێ ھیچ رێگرییێکی ھێز و میلیشیا عێراقییەکان لەو سنوورە سووڕاونەتەوە و ئەمەش مەترسییێکی گەورە لەسەر ئاسایش و سەقامگیریی مووسڵ دروست دەکات.
ئەو سەرکردە عێراقییە پێی وایە، جموجۆڵی چەکدارانی داعش لەسەر سنووری نیوان عێراق و سووریا دەبێتە ھۆی بەجوڵەخستنی شانە نووستووەکانی داعش لە ناو مووسڵ و ڕەنگە جارێکی دیکە ئەو شارە داگیر بکەنەوە.
سەرچاوە: باسنیووز
کۆدی هەواڵنێر: 60113
بۆچوونی بەکارهێنەران