سنووری عێراق-سووریا لە دەستی داعش دەرهێنرا
بەشی سووریا- شەڕڤانانی هێزەكانی سووریای دیموكرات "هەسەدە" ناوچەكانی دەروبەری پارێزگای دێرەزۆریان بەتەواوی كۆنتڕۆڵ كرد و لە ئێستادا سنووری نێوان عێراق و سووریا بە تەواوی لە ژێر كۆنتڕۆڵی شەڕڤاناندایە.
بەپێی هەواڵی کوردپرێس، قۆناغی دووەمینی هەڵمەتی گەردەلوولی جزیرە، بە بەردەوامە و ئاژانسی هاوارنیوزیش بڵاوی كردۆتەوە، هەسەدە تەواوی پێدەشت و ناوچەكانی دێرەزۆری لە چەكدارانی داعش پاک كردۆتەوە.
لەوبارەیەوە باكۆز حەسەكە یەكێک لە فەرماندەكانی هەسەدە رایگەیاندوەكە شارۆچكەی دشیشا و سنووری نێوان سووریا و عێراق لە چەكدارانی داعش پاک كراونەتەوە.
ئۆپەراسیۆنی رزگاركردنی دەشتاییەكانی دێرەزۆر لە سێ قۆڵەوە دەستی پێكردبوو و لە ئەنجامیدا 102 كیلۆمتر دووجا لە دەست داعش رزگار كراوە.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران