لە سنووری حاجی ئومەران دەست بەسەر دوو تۆن دەرمانی قاچاغدا دەگیرێت
بەشی عێراق و هەرێمی کوردستان- لە دەروازەی نێودەوڵەتیی حاجی ئۆمەران دەست بەسەر زیاتر لە دو تۆن دەرمان و پێداویستی پزیشكی قاچاغدا دەگیرێت.
کوردپرێس:
مەسعوود باتێلی، بەڕێوەبەری كۆمەڵگەی نێودەوڵەتیی حاجی ئۆمەران، رایگەیاند: بڕی دو تۆن و (234) کیلۆگرام دەرمانی قاچاغ لە نێو ئۆتۆمبێلێكدا دەستی بەسەردا گیراوە كە لەژێر كاغەزی ئەی فۆردا شاردرابووەوە و قاچاخچییەكان ویستوویانە بەشێوەیێكی نایاسایی بیهێننە هەرێمی كوردستانەوە.
بەڕێوەبەری كۆمەڵگەی حاجی ئۆمەران، بەبێ ئەوەی ئاماژە بەدەستگیركردنی هیچ كەسێك لەسەر ئەو كارە بدات، رایگەیاند: ئەمە یەكەم جارە حاڵەتێكی لەم شێوەیە روو بدات، لەئێستادا دۆسیەكە لە ژێر لێكۆڵینەوەدایە.
بۆچوونی بەکارهێنەران