ئهندامی حیزبی دهعوه له پهرلهمانی عێراق:
ههندێک له دۆڕاوانی ههڵبژاردن ههوڵهکانیان بۆ گهڕانهوه به دهسهڵات چڕ دهکهنهوه
بهشی عێراق و ههرێمی کوردستان- ئهندامی حیزبی دهعوه له ئهنجومهنی نوێنهرانی عێراق دهڵێت: ههندێک کهسایهتیی سیاسیی دۆڕاوی ههڵبژاردن ههوڵهکانیان چڕ کردۆتهوه بۆ ئهوهی له ڕێگای تهزویر و ساختهکاری له پڕۆسهی ژماردنهوهی دهستیی دهنگهکان بگهڕێنهوه سهر دهسهڵات.
بهپێی ههواڵی کوردپرێس، عهلی بهدیری به ههواڵدهریی مهعلوومهی وتوووه: ههندێک کهسایهتیی سیاسیی دۆڕاوی ههڵبژاردن وهک سهلیم جبووری سهرۆکی ئهنجومهنی نوێنهرانی عێراق ههوڵهکانیان چڕ کردۆتهوه بۆ گهڕانهوهی دووباره به دهسهڵات له ڕێگای تهزویر و ساختهکاری لهو دهنگانهی که بڕیاره به دهست بژمێردرێنهوه.
ناوبراو وتیشی: پێداگریی ئهنجومهنی نوێنهرانی عێراق بۆ ژماردنهوهی دهستیی دهنگهکانی ههڵبژاردن ههوڵێک لهلایهن دۆڕاوانی ههڵبژاردن بۆ وهدهستهێنانی ههڤیازی سیاسی له دهوڵهتی داهاتووی عێراق دێته ئهژمار.
کۆدی ههواڵنێر: 60103
بۆچوونی بەکارهێنەران