پێکدادانی توندی هێزە ئەمریکاییەکان لە گەڵ چەکدارانی سوپای ئازادی سووریا لە مەنبەج
بەشی سووریا- هێزەکانی ئەمریکایی ناو مەنبەج بە توندی لە گەڵ بەرهەڵستکارانی پاڵپشتکراوی تورکیا لە هاوێری ئەو شارە تێهەڵچوون.
بە پێی هەواڵی کوردپرێس، هێزەکانی ئەمریکایی جێگرکراو لە نزیکیی مەنبەج لە کاتی گەڕان و سەرکێشی کردن، لە گەڵ هێزەکانی سوپای ئازادی سووریا کە لە لایەن تورکیاوە پاڵپشتی دەکرێن، تێهەڵچوون.
کۆلۆنێل ڕایان دیلۆن وتەبێژی هێزەکانی هاوپەیمانی نێودەوڵەتیی دژی داعش وێرای ڕاگەیاندنی ئەو هەواڵە، وتی: هێزەکانی ئێمە کراونەتە ئامانج و دەسترێژیان کراوەتە سەر و ئەوانیش وەڵامی ئەو دەسترێژیەیان داوەتەوە و پاشان گواستراونەتەوە بۆ شوێنێکی هێمن.
دیلۆن وتیشی: هاوپەیمانی بە تورکیای ڕاگەیاندووە، هۆشدار بداتە بەرهەڵستکارانی پاڵپشتراوی خۆی کە تەقەکردن لە هێزەکانی هاوپەیمانی بە هیچ جۆرێک قبووڵ ناکرێت.
لە قوربانیانی شیمانیی ئەو پێکدادنە هیچ ئامارێک بە دەستەوە نییە.
سەرچاوە: دەیکی سەباح
کۆدی هەواڵنێر: 60106
بۆچوونی بەکارهێنەران