تا ڕۆژی چوارشەمە 8ی ئەیپرێڵ:
کۆی ئاماری حاڵەتەکانی تووشبوون بە کۆرۆنا لە هەرێمی کوردستان گەیشتە 303 حاڵەت
بەشی عێراق و هەرێمی کوردستان- وەزارەتی تەندروستیی هەرێم تووشبوونی ١٤ کەسی دیکەی بە ڤایرۆسی کۆرۆنای نوێ لە هەولێر ڕاگەیاند و بەوەش کۆی تووشبووان گەیشتە 303 کەس.
کوردپرێس:
ڕۆژی چوارشەمە 8ی ئەیپرێڵی 2020 وەزارەتى تەندورستیی حکوومەتی هەرێم ڕایگەیاند، لە بەردەوامی پشکنینەکان و گەڕان بەدوای گومانلێکراوان، چواردە تووشبووی ڤایرۆسی کۆرۆنای نوێ COVID-19 لە شاری ھەولێر دەستنیشان کران.
ئاماژەى بەئەوەش دا، ٩ ئافرەت و ٤ پیاو و منداڵێكن لە گەڕەکەکانی ( سەیداوە، ڕۆشنبیری، پێشمەرگە، زین سیتی، زانکۆ، مامۆستایان) زۆربەی زۆریان بەرکەوتەی تووشبووەکانی ھەردوو پرسەی ماتەمینی گەڕەکی کارێزانی شاری ھەولێرن.
کۆی گشتی تووشبووانی ڤایرۆسی کۆرۆنا لەهەرێمی کوردستان٣٠٣ کەسە، کە لەناویاندا 114 کەس چاکبوونەتەوە و 3 کەسیش کە پێشینەى نەخۆشی دیکەی درێژخایەنیان هەبووە گیانیان لەدەست داوە.
کۆدی هەواڵنێر: 60101
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران