فڕۆکە جەنگییەکانی تورکیا قەندیل بۆروومان دەکەن
بەشی تورکیا - هاوسەرۆکی شارەوانی بناری قەندیل ڕایگەیاند فڕۆکە جەنگییەکانی تورکیا چوار گوندی سنوورەکەیان بۆردومان کردووە.
بەپێی هەواڵی کوردپرێس، محەمەد حەسەن، هاوسەرۆکی شارەوانیی قەندیل رایگەیاند: "بەیانیی ئەمڕۆ فڕۆکە جەنگییەکانی تورکیا بە ئاسمانی بناری قەندیل دا سووڕاونەتەوە و بۆردوومانی چەند ناوچەیێکیان کردووە، بەڵام زیانی ئەوتۆی بەدواوە نەبووە".
بە گووتەی ژمارەیێک لە گوندنشینانی بناری قەندیل، بۆردوومانەکان لەنزیک گوندەکانی ئیوەیس، شێخان، ئیندزێ، بێپاڵان، زارگەڵی و بۆکریسکان ئەنجام دراون .
هەر بە گووتەی گوندنشیان، بۆردوومانەکان زیانی گیانیان بەدواوە نەبووە، بەڵام ترسیان خستۆتە دڵی خەڵک بەتایبەت کە بڕیارە سبەی ئاهەنگەکانی نەورۆز لە بناری قەندیل بەڕێوەبچن.
کۆدی هەواڵنێر: 60113
بۆچوونی بەکارهێنەران