وەزیری بەرگریی تورکیا:
لەبارەی مەنبج و ڕۆژئاوای فورات ئامادەکاریی تەواومان کردووە
بەشی تورکیا- خلووسی ئاکار وەزیری بەرگریی تورکیا ئاماژەی دا بە ئۆپەراسیۆنی سەربازیی گریمانەکراوی تورکیا لە باکووری سووریا و وتی: لەبارەی مەنبج و ڕۆژئاوای فورات بەتەواوی ئامادەین.
بەپێی هەواڵی کوردپرێس، خلووسی ئاکار وەزیری بەرگریی تورکیا ڕایگەیاند: ناسەقامگیری و ئاڵۆزی لەناوچەکەدا لە نزیکەوە چاودێڕی دەکەین. هۆکاری سەرەکیی ناسەقامگیری هەڕەشەی تیرۆرە کە لەمبارەوە ڕێوشوێنی پێویستمان گرتووەتە بەر.
ناوبراو وتیشی: هێزە چەکدارەکانی تورکیا وەکوو ڕابردوو، ئێستاش لە زەمین و دەریا و ئاسمان هەر هەوڵێک کە بۆ پاراستنی ئاسایشی وڵات و مییلەت پێویست بێت دژ بە گرووپە تیرۆریستییەکان ئەنجامی دەدەن.
ناوبراو لە وتەکانیدا ئاماژەی بە بابەتی مەنبج و ڕۆژئاوای فورات کرد و وتی هیچ هۆکارێک بۆ نیگەرانی نابینم، لەمبارەوە هەموو ئامادەکارییەکان کراوە. کات و شوێنی پێویستی خۆی لەسەر فەرمانی سەرۆک کۆمار ئەرکی خۆمان جێبەجێ دەکەین. کەس گومان لەوەدا نەکات کە ئامانجی هێزە چەکدارەکانی تورکیا تەنها تیرۆریستەکانن.
سەرچاوە: NTV
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران