مایڵز کاگینز، وتەبێژی پێشووی هاوپەیمانی نێودەوڵەتیی دژی داعش کە پێوەندییەکی قووڵی لەگەڵ بەرپرسانی هەرێمی کوردستان هەیە، باس لەوە دەکات کە ئەمریکا بێ‌هیوا بووە لەو هەوڵانەی کە بۆ یەکخستنی هێزەکانی پارتی دیموکرات و یەکێتیی نیشتمانی دراوە.
ناوبراو پێی وایە بەرپرسانی هەر دوو حزبی پارتی و یەکێتی مەیلی جیدی و ڕاستەقینەیان بۆ جێبەجێ کردنی پڕۆژەی ڕێکخستنەوەی دووبارەی هێزەکانی پێشمەرگە نییە.
مایڵز کاگینز ئاماژەی بەوەش کردووە کە: هەڵبەت هەندێک بابەتی دیکە وەکوو بوودجە و ناکۆکیی نێوان هەولێر و بەغدا کاریگەریی نەرێنی هەبووە لەسەر ڕێکخستنەوە و چاکسازی لەنێو هێزەکانی پێشمەرگەدا.
وتەبێژی پێشووی هاوپەیمانی نێودەوڵەتی ئاشکراشی دەکات ناکۆکیی سیاسی نێوان دوو حزبی دەسەڵاتداری هەرێمی کوردستان واتا یەکێتی و پارتی سەرەکیترین لەمپەڕە لەسەر ڕێگای چاکسازی لە وەزارەتی پێشمەرگەدا.
نظر شما