لە وەڵامی پەیوەندیی تەلەفۆنی مستەفا کازمی:
ڕەئیسی: هیوادارین هەڵبژاردنی پەرلەمانیی عێراق بە پێکهێنانی حکوومەتێکی بەهێز بگاتە ئەنجام
بەشی ئێران- مستەفا کازمى سەرۆک وەزیرانى عێراق و ئیبراهیم رەئیسى سەرۆک کۆمارى ئێران پەیوەندییەکى تەلەفۆنیان ئەنجامدا.
کوردپرێس:
بەپێی راگەیەنراوێکى نوسینگەى ئایەتۆڵڵا ڕەئیسی سەرۆکی کۆماری ئێران؛ لە پەیوەندییە تەلەفۆنییەکەدا کازمى و رەئیسى پیرۆزبایی جەژنى رەمەزانیان لەیەکتر کردووە و جەختیان لەسەر پتەو کردنى پەیوەندییەکانى نێوان هەردوو وڵات کردووەتەوە.
سەرۆکى ئێران ستایشى هەنگاوەکانى حکوومەتى عێراقى کرد بۆ بەرەنگاربوونەوەى ئاڵنگارییەکان و سەقامگیریی ناوچەکە و ڕایگەیاند هیوادارین هەڵبژاردنی پەرلەمانیی عێراق بە پێکهێنانی حکوومەتێکی بەهێز بگاتە ئەنجام.
لاى خۆیەوە کازمى هیواى بەردەوامى گەشەسەندنى پەیوەندییەکانى هەردوو گەلى عێراق و ئێرانى کرد کە ببێتە هۆى سەقامگیریی و ئاسایش و ئاشتى لە ناوچەکە.
بۆچوونی بەکارهێنەران