وەرگرتنی پارەی پشکنینی کۆرۆنا لە هاووڵاتییانی ھەرێم لەکاتی سەردانی ئێران لادەبرێت
بەپێی هەواڵی کوردپرێس، ئەحمەد کەلاری، ئەندامی ئەنجومەنی کارگێری ژووری بازرگانی و پیشەسازی سلێمانی رایگەیاند: "بە ھەوڵدانێکی زۆر و گفتوگۆ کردن لەگەڵ کونسوڵخانەی ئێران و بەرپرسانی وەزارەتی دەرەوەی ئێران، توانیمان ئەو پڕە پارەیە لابەرین کە لە ھاوڵاتیان و بازرگانان وەردەگیرا لە دیوی ئێرانەوە".
ئاماژەی بەوەش کرد، "ھاوڵاتیان و بازرگانان و خوێندکاران و نەخۆشان کاتێک سەردانی کۆماری ئیسلامی ئێرانیان دەکرد لە ڕێگەی ده‌روازه سنووریه‌کانی نێوان هه‌رێمی کوردستان له‌گه‌ڵ ئێران، لەدیوی ھەرێمی کوردستان پشکنینیان پێ دەکرا بەڵام لە دیوی ئێران قەبووڵ نەدەکرا و به بڕێک پاره‌یان لێوەردەگیرا لەبەرامبەر دووبارە ئەنجامدانی پشکینی کۆرۆنا".
ئەندامەکەی ئەنجومەنی کارگێری ژوری بازرگانی و پیشەسازی سلێمانی ئەوەشی خستەڕوو، ''ئەو ڕێکارە، ببوە بارگرانی زۆر بۆ ھاوڵاتیان، خۆشبەختانە توانیمان ئەو کێشەیە چارەسەر بکەین و لە چەند ڕۆژی داھاتوودا ئەو ڕێکارە لادەبرێت و کار بە پشکنینی ھەرێمی کوردستان دەکرێت ئه‌و که‌سانه‌ی که له ده‌روازه سنوورییه‌کان و فرۆکه‌خانه‌کانه‌وه سه‌ردانی ئێران ده‌که‌ن دووباره پشکنینی کۆرنایان بۆ ناکرێت، ته‌نها یه‌کجار پشکنین ده‌کرێت و بۆ ماوه‌ی چوار رۆژ کاری پێده‌کرێت".
کۆدی هەواڵنێر: 60113
بۆچوونی بەکارهێنەران