نێچیرڤان بارزانی:
یادی عاشوورا ببێتە پاڵنەرێک بۆ سڕینەوەی توندئاژۆیی و وەلانانی ناکۆکییەکان
بەشی عێراق و هەرێمی کوردستان- سەرۆکی هەرێمی کوردستان بەبۆنەی یادی عاشوورا پەیامێکی ئاراستەی شیعەکانی عێراق و جیهان کرد.
بەپێی هەواڵی کوردپرێس، نێچیرڤان بارزانی سەرۆکی هەرێمی کوردستان، بەبۆنەی یادی عاشوورا لە توویتێکدا لە توویتەری تایبەتی خۆی داوادەکات یادی عاشوورا "ببێتە پاڵنەرێک بۆ سڕینەوەی بیری توندوتیژیی و توندئاژۆیی و وەلانانی ناکۆکییەکان. ببێتە ئیلهامێک بۆ بەهێزکردن و سووربوون لەسەر خۆشەویستی و بنەماکانی لێبوردەیی پێکەوەژیان نێوان سەرجەم پێکهاتەکانی گەل، بەمەبەستی بەرقەرارکردنی سەقامگیریی لە وڵاتەکەمان".
هاوکات سەرۆکی هەرێمی کوردستان خوازیارە تەواوی گەلانی جیهان لە ئاشتی و خۆشگوزەرانی دابن.
کۆدی هەواڵنێر: 60113
بۆچوونی بەکارهێنەران