كۆنسوڵی ئێران لە سلێمانی لەگەڵ وەزیری رۆشنبیریی هەرێمی کوردستان کۆ بوویەوە
بەشی عێراق و هەرێمی کوردستان- کونسۆڵخانەی کۆماری ئیسلامیی ئێران لە سلێمانی ڕایگەیاند وەزیری رۆشنبیری و لاوانی حکوومەتی هەرێمی کوردستان و كۆنسوڵی ئێران کۆ بوونەتەوە.
بەپێی هەواڵی کوردپرێس، کونسوڵخانەی کۆماری ئیسلامیی ئێران لە سلێمانی ڕایگەیاند مەهدی شووشتەری کۆنسوڵی ئێران لە سلێمانی لە نووسینگەی حەمەی حەمە سەعید، وەزیری رۆشنبیری و لاوانی حکوومەتی هەرێمی کوردستان ئامادە بووە و گفتوگۆیان کردووە لەبارەی گەشەپێدان بە پێوەندییە فەرهەنگییەکانی نێوانیان کردووە.
لە دیدارەکەدا هەردوولا ئاماژەیان داوە بە هاوبەشیە فەرهەنگییەکانی نێوان ئێران و هەرێمی کوردستان و جەختیان لە پەرەپێدان بە پێوەندییەکان کردۆتەوە.
هەردوولا ئاماژەشیان کردووە بە تۆمار کردنی دیمەنی فەرەهنگیی هەورامان لە لایەن یۆنسکۆوە و لەبارەی هەماهەنگی و هاوکاریی کۆماری ئیسلامیی ئێران و هەرێمی کوردستانی عێراق بۆ جێبەجێ کردنی بەرنامە هاوبەشەکان بۆ ناساندنی زیاتری شوێنە سەرنج ڕاکێشەکانی هەورامان گفتوگۆیان کردووە.
کۆدی هەواڵنێر: 60113
بۆچوونی بەکارهێنەران