ڕەئیسی: ئێران سەلماندوویەتی هاوبەشێکی جێمتمانەیە
بەشی ئێران- سەرۆککۆماری هەڵبژێردراوی ئێران لە دیدار لەگەڵ وەزیری دەرەوەی قەتەر جەختی کردە سەر کاری پێکەوەیی لەگەڵ ئەو وڵاتە و گوتیشی ئێران سەلماندوویەتی هەمیشە شەریکێکی جێ متمانەیە بۆ لایەنەکان.
کوردپرێس:
ڕۆژی یەکشەمە 3ی گەلاوێژی 1400 سەید ئیبراهیم ڕەئیسی سەرۆککۆماری هەڵبژێردراوی ئێران لە تاران چاوی کەوت بە شێخ محەمەد بن عەبدولڕەحمان ئال سانی جێگری سەرۆکوەزیران و وەزیری دەرەوەی قەتەر و لە دیدارەکەدا جەخت کرایە سەر کاری پێکەوەییی دوو وڵاتەکە.
لە دیدارەکەدا سەید ئیبراهیم ڕەئیسی جەختی کردەوە کە ئێران بەردەوام هاوبەشێکی جێ متمانە بووە بۆ لایەنەکان و متمانەی تەواوتان بەوە هەبێ کە ئێران خێرخوازی ناوچەکەیە.
وەزیری دەرەوەی قەتەریش وێڕای پیرۆزبایی کردن لە سەید ئیبراهیم ڕەئیسی گوتی: قەتەر کار لە سەر هاوکاریی زیاتر بۆ تۆکمەکردنی پێوەندیی دووقۆڵیی لەگەڵ ئێران دەکات و ئامادەیە بۆ هاوکاریی زیاتر لەپێناو دەستەبەرکردنی ئاسایشی ناوچەکە.
بۆچوونی بەکارهێنەران