ئایەتوڵڵا ڕەئیسی: ئەوەی ناسنامەی ئێرانیی هەیە پێویستە مافی پارێزراو بێت
بەشی ئێران- ئایەتوڵڵا ڕەئیسی پاش ئەوەی دەنگی خۆی خستە سندووقی دەنگدانەوە ڕایگەیاند ئەوەی هەڵگری ناسنامەی ئێرانییە پێویستە مافی پارێزراو بێت و داوای لەهەموو هاووڵاتییانی ئێرانیش کرد بەشداریی دەنگدان بکەن.
کوردپرێس:
ڕۆژی هەینی 28ی جۆزەردانی 1400 لە پێشنیوەڕۆی دەنگدانی سەرۆککۆماریی ئێران، ئایەتوڵڵا ڕەئیسی سەرۆکی دەزگای داد و کاندیدی سەرۆککۆماری، دەنگی خۆی خستە سندووقی دەنگدان و داواشی لە هەموو هاووڵاتییان کرد لە شوێنێک هەن بە هەر زمان و ڕەچەڵەک و تایبەتمەندییێکەوە، بەشداریی هەڵبژاردن بکەن.
ئایەتوڵڵا ڕەئیسی گوتیشی ڕاستە هاووڵاتییان ناڕازین و وەزعەکە دڵگرانی کردوون بەڵام پێویستە هەستن بە ئەرکی نیشتمانیی خۆیان و بە دەنگدانیان پارێزگاری لە مافی خۆیان بکەن.
شایانی باسە پڕۆسەی دەنگدانی سەرۆککۆماریی ئێران سەرلەبەیانیی ڕۆژی هەینی 28ی جۆزەردان بەرامبەر بە 18ی حوزەیرانی 2021 دەستی پێکردووە.
بۆچوونی بەکارهێنەران