داوای دامەزراندنی دەوڵەتی کوردیمان لە ئەمریکا نەکردووە
«هوشەنگ دەروێش» نوێنەری ئەنجومەنی سووریای دیموکرات لە هەرێمی کوردستان لە گفتوگۆ لەگەڵ کوردپرێسدا لەبارەی وتەکانی «ویلیام روێبوک» بەرپرسی پێشووی ئەمریکا بۆ کاروباری سووریا کە بە شەرقولئەوسەت-ی وتبوو: "ئێمە ڕاشکاوانە بە هێزەکانی سووریای دیموکراتمان وتووە پشتگیری لە دامەزراندنی دەوڵەتێکی کوردی لەم ناوچەیەدا ناکەین". ڕایگەیاند: ئەم وتەیە ڕاگەیاندنێکی نوێ نییە و ئەمریکا چ لە عێراق و چ لە سووریا ڕایگەیاندووە کە بەدوای دامەزراندنی دەوڵەتی کوردیدا نییە و دەیهەوێت لە چوراچێوەی دەوڵەتی عێراق و سووریادا پرسەکان چارەسەر بکرێن.
ناوبراو درێژەی دا: ئێمە وەکوو بەڕێوەبەرایەتیی خۆسەر داخوازیی دامەزراندنی دەوڵەتی کوردیمان لە ئەمریکا نەکردووە و بە ئاوڕدانەوە لە دۆخی ئێستاکەی کوردستانی سووریا و بوونی ئەتنیکە جیاجیاکان بە چەلێنجێک دەزانین.
هوشەنگ دەروێش زیادی کرد بنەمای دەوڵەتداری لە ئیدارەی خۆسەردا لەسەر پرسی نەتەوەیی دانەمەزراوە و هەموو قەوم و ئەتنیکێک لە بەڕێوەبەردنی ناوچەکەدا دەور دەگێڕن.
نوێنەری ئەنجومەنی سووریای دیموکرات لە هەرێمی کوردستان جەختی کردەوە: چارەسەر کردنی پرسی کورد لە کوردستانی سووریا بەبێ چارەسەریی کێشەی قەومەکانی دیکە مومکین نابێت و ئێمەش داوای دامەزراندنی دەوڵەتی کوردیمان نەکردووە و ئەمەش تەکتیکی ئێمە نییە بەڵکوو ستراتێژیی ئێمەیە.
کۆدی هەواڵنێر: 60113
بۆچوونی بەکارهێنەران