گەشتی ئاسمانیی نێوان ورمێ و هەولێر و وان دەست پێدەکات؟
بەشی ئازەربایجانی ڕۆژئاوا- لە دیداری نێوان پارێزگاری ئازەربایجانی ڕۆژئاوا و بەڕێوەبەری کۆمپانیانی ئیران ئەیر جەخت کرایە سەر زەروورەتی دەستپێکردنی گەشتی ئاسمانیی نێوان ورمێ و هەولێر و وانی تورکیا.
کوردپرێس:
ڕۆژی سێشەمە 9ی بەفرانباری 1399 محەمەد مەهدی شەهریاری پارێزگاری ئازەربایجانی ڕۆژئاوا لەگەڵ عەلیڕەزا بەرخۆر بەڕێوەبەری کۆمپانیای ئیران ئەیر دیداری کرد و لە کۆبوونەوەی نێوانیاندا شەهریاری جەختی کردە سەر زەروورەتی دەستپێکردنی گەشتی ئاسمانی لە ورمێوە بۆ هەولێری پێتەختی هەرێمی کوردستان و شاری وانی تورکیا.
پارێزگاری ئازەربایجانی ڕۆژئاوا لە دیدارەکەدا گوتی: پارێزگای ئێمە لەگەڵ هەر دوو وڵاتی عێراق و تورکیا سنووری هاوبەشی هەیە و بە ڕەچاوکردنی ڕێنماییە تەندروستییەکانی پەیوەست بە کۆرۆنا پێویستە گەشتی ئاسمانیی نێوان ورمێ و هەولێر و وان دەست پێبکات.
لە کۆبوونەوەکەدا بەڕێوەبەری کۆمپانیای ئیران ئەیر پێشوازیی لە پێشنیارەکە کرد و بەڵێنی تاوتوێ کردنی بابەتەکەی دا.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران