دیپلۆماتی باڵای ئەمریکی:
دەبێت کورد لە حکوومەتی سووریا بەشداریی پێبکرێت
جێگری نێردەی تایبەتی ئەمریکا بۆ رۆژهەڵاتی ناوەڕاست دەڵێت داوامان لە ئیدارەی نوێی سووریا کردووە کەمینەکان لە وڵاتەکەیان پارێزراو بن، لەوان کریستیان و کورد و دروز و عەلەوی.
بەپێی هەواڵی کوردپرێس، مۆرگان ئۆرتاگوس، جێگری نێردەی تایبەتی ئەمریکا بۆ ڕۆژهەڵاتی ناوەڕاست دەڵێت: بە ئیداری نوێی سووریامان ڕاگەیاندووە، تەنها پاراستنی پێکهاتەکانمان ناوێت، بەڵکوو دەمانەوێت بەشداری لە حکوومەتدا بکەن، دەمانەوێت دڵنیابین لەوەی توانای حکومڕاکرنی سووریای هەیە، بەجۆرێک کە بەرژەوەندی هەموو کەمینەکانی تیادابێت.
ناوبراو دەشڵێت: لیستێکی تری داواکاریشمان هەیە کە لێرەدا ئاماژەی پێناکەم، پێموایە شەرع تێدەگات لەوە کە هەنگاونان بۆ پێشەوە بۆ سووریا بە ئەنجامدانی جەنگ نابێت لەگەڵ دراوسێکانی، لەگەڵ وڵاتانی وەک لوبنان و ئیسرائیل و هەر وڵاتێکی تر، هەنگاونان بەرەو پێشەوە بۆ شەرع و دەسەڵاتی کاتی، ڕێگای ئاشتیە و پێموایە لەوە تێدەگات.
بۆچوونی بەکارهێنەران