لە سنە ۵ کەس بەهۆی وەرگەڕانی بارهەڵگرێکەوە گیانیان لەدەستدا
بەڕێوەبەری پۆلیسی رێگەوبانی سنە رایگەیاند، رووداوەکە لە پشتێنەی ڕۆژهەڵاتی شاری سنە و لە رێگەی نێوان سنە-مەریوان بووە.
بەپێی هەواڵی کوردپرێس، حەمیدڕەزا عەبدولمەلیکی، بەڕێوەبەری پۆلیسی رێگەوبانی سنە دەڵێت، لە ڕووداوەکەدا بارهەڵگرێک لە ۴ کەسی داوە، کە لە تەنیشت رێگەکە وەستابوون و دواتر وەرگەڕاوە.
بە گوتەی حەمیدڕەزا عەبدولمەلیکی، لە رووداوەکەدا هەر چوار کەسەکە و شۆفێری بارهەڵگرەکە گیانیان لەدەست داوە.
سەبارەت بە هۆکاری ڕووداوەکە، بەڕێوەبەری پۆلیسی ڕێگەوبانی پارێزگای سنە ڕایگەیاند، لە لێکۆڵینەوە سەرەتاییەکاندا دەرکەوتووە کە بارهەڵگرەکە ستۆپی نەمابوو و شۆفێرەکە نەیتوانیوە کۆنترۆڵی بکات.
#کوردپرێس
#کورد
#کوردستان
#سنە
#ڕووداوی هاتوچۆ
#بارهەڵگر
#وەرگەڕانی بارهەڵگر
#حەمیدڕەزا عەبدولمەلیکی
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران