جەلال تاڵەبانی باوه‌ڕی بە هاوکاری لەگەڵ ئێرانی ئەزیز هەبوو

بەپێی هەواڵی کوردپرێس، ده‌قی ئه‌و نامه‌یه‌ی كه‌ مه‌سعوود پزیشكیان له‌ ده‌فته‌ری یاده‌وه‌ریه‌كه‌دا نووسیویه‌تی بەمشێوەیە: "ئەمڕۆ پێنجشەممە لەگەڵ شاندێکی پایەبەرزی وەزاری لە کۆماری ئیسلامیی ئێران گەیشتینە سلێمانی و هەلێکمان بۆ هەڵکەوت، کە لەسەر مەزاری جەلال تاڵەبانی خۆشەویست و بەڕێز فاتیحا بخوێنین و سڵاو بۆ رۆحی بڵند و دیدی کراوە و روانینی قووڵی ئەم خۆشەویستە بنێرین".
ئاماژه‌ی به‌وه‌ش كردووه‌، "فیداکاری و خەباتی گەورەی کرد پێش شۆڕش و دوای شۆڕش بۆ سەربەخۆیی و گەیشت بە ئازادی خاکە خۆشەویستەکەی و هەوڵی دەدا بۆ یەکگرتویی و یەکڕیزی لە ناوخۆدا، هەروەها باوه‌ڕی بە بەهاوکاری لەگەڵ ئێرانی ئەزیز هەبوو".
سه‌رۆک كۆماری ئێران نووسیویه‌تی، "خودا ڕۆحی شاد بکات و یادی بۆ هەمیشە لەلای شۆڕشگێران و خەباتکارانی دنیا بە زیندوویی بهێڵێتەوە".