گۆڤاری ئانتی وار: ئەگەر هەیە ڕووسیا ڕێگری لە هێرشی دوبارەی تورکیا بۆ سەر کوردی سووریا بکات
کوردپرێس:
ڕەجەب تەیب ئەردۆغان سەرۆککۆماری تورکیا نیگەرانە لە دروست بوونی کۆریدۆرێکی ژێردەسەڵاتی کوردەکان لە باکووری سووریا و لە ساڵانی 2018 و 2019 دوو ئوپەراسیۆنی سەربازیی بۆ سەر دوو ناوچەی ژێردەسەڵاتی کوردەکان ئەنجام دا و ئەو ناوچانەی داگیر کرد. ئێستاش هەڕەشەی ئەوە دەکات کە جارێکی دیکە هێرش دەکاتەوە سەر ناوچەی ژێردەسەڵاتی کوردەکان لە باکوور و خۆرهەڵاتی سووریا.
بەڵام گۆڤاری ئانتی وار نووسیویەتی هەڕەشە نوێیەکەی ئەردۆغان تا ڕادەیێک پێوەندیی بە هێرشەکە تازەکەی ڕووسیا دژی میلیشیا توندڕەوەکانی سەر بە تورکیا هەیە کە لە ئیدلیب ئەنجام درا و هەڕەشەکەی ئەم دوایییەی ئەردۆغان بەشێکە لە دوژمنایەتیی ناوبراو بەرانبەر کوردی نێوخۆ و دەرەوەی تورکیا.
ئەو گۆڤارە دژەشەڕە لە درێژەدا ئاماژەی بەو مەسەلەیەش کردووە کە کوردەکان سووریا ئێستا لەگەڵ دیمەشق و ڕووسیا هاوپەیمانن. هەر بۆیەش ئەگەری زۆرە کە ڕووسیا گوشار نەخاتە سەر کورد بۆ کشانەوە لە باکووری سووریا و بە پێچەوانەشەوە ڕەنگە هۆشداری بە تورکیا بدات کە داخڵی ئەو ناوچەیە نەبێت.
بۆچوونی بەکارهێنەران