بەوێنە... فێستیڤاڵی هەنار لە پارێزگای هەڵەبجە دەستی پێکرد
بەشی عێراق و هەرێمی کوردستان- لە پارێزگای هەڵەبجە بۆ ماوەی سێ رۆژ فێستیڤاڵی هەنار و پایزی هەڵەبجە بۆ كار و بەرهەمە خۆماڵییەكان ساز کراوە و جوتیاران و خاوەن كارانی ناوچەكەش بەرهەمەكانیان نمایش دەكەن.
کوردپرێس:
ڕۆژی پێنجشەمە 29ی تشرینی یەکەمی 2020 بۆ ماوەی سێ رۆژ تا كۆتاییی ئەم مانگە لەپاركی شاری یاریی هەڵەبجە فێستیڤاڵی هەنار و پایزی هەڵەبجە بۆ كار و بەرهەمە خۆماڵییەكان، بەئامادەبوونی بێگەرد تاڵەبانی وەزیری كشتوكاڵ و سەرچاوەكانی ئاو و بەڕێوەبەرایەتیی كشتوكاڵی هەڵەبجە و تۆڕی رێكخراوەكان دەستی پێکرد.
فێستیڤاڵەكە بۆ كارو بەرهەمە خۆماڵییەكان لە سەعات 10ی پێشنیوەڕۆی ئەمڕۆ 29ی ئۆكتۆبەر کرایەوە و ماوەی سێ رۆژ بە پابەندبوون بەڕێنماییە تەندروستییەكان بەردەوام دەبێت.
لە فێستڤاڵەكەدا، جووتیاران و خاوەن كارانی بەرهەمی خۆماڵی بەرهەمەكانیانی تێدا نمایش بكەن و چاوەڕوانیش دەكرێت ژمارەیێكی زۆر لە هاووڵاتیان لەناوچە جیاجیكانی كوردستانەوە سەردانی فێستیڤاڵەكە بكەن.
بۆچوونی بەکارهێنەران