بۆ ڕووبەڕووبوونەوەی کۆرۆنا، ئەمریکا 1 ملیۆن و 200 هەزار دۆلار بۆ کوردستانی سووریا تەرخان دەکات
بەشی سووریا- ئەمریکا بەمەبەستی یارمەتیدانی بەڕێوەبەرایەتی خۆسەری باکوور و ڕۆژهەڵاتی سووریا بۆ بەرەوڕووبوونەوەی کۆرۆنا وجبەیێکی پشتگیریی بە بەهای 1 ملیۆن و 200 هەزار دۆلار بۆ نەخۆشخانەکانی ناوچەی حەسەکە و شەدادی و زیندانەکان و هێزەکانی سووریای دیموکرات دەنێرێت.
بەپێی هەواڵی کوردپرێس، ئاژانسی هەواڵی سپۆتنیک ڕایگەیاند: هاوپەیمانان بەیاننامەیێکیان بڵاو کردۆتەوە کە باس لەوە دەکات کەرەستەی پزیشکیی بۆ پاراستنی کادێری دەرمانی نەخۆشخانەکانی ناوچەی حەسەکە و شەدادی و کارمەندی زیندانەکان و هێزەکانی سووریای دیموکرات نێردراون.
ئاژانسەکە دەشنووسێت: ئەم وجبەیە پێک هاتووە لە دەسەوانە، ماسک، کیتی نەشتەرگەری، گەرمیپێو و هەروها جلوبەرگی خۆپاراستن لە کۆرۆنا بۆ کادێری دەرمان و پرسێنێلی زیندانەکان.
کۆدی هەواڵنێر: 60113
بۆچوونی بەکارهێنەران