ژمارەی توشبوانی کۆرۆنا لە تورکیا 15 هەزار کەسی تێپەراند
بەشی تورکیا- وەزارەتی تەندروستیی تورکیا نوێترین ئاماری توشبووانی کۆرۆنای بڵاوکردەوە و بەپێی ئامارەکان، ژمارەی توشبووانی کۆرۆنا 15 هەزار کەسی تێپەراندوە و ژمارەی گیان لەدەستدانیش لەبەرزبونەوەدایە.
بەپێی هەواڵی کوردپرێس، فەخرەدین قۆجە، وەزیری تەندروستیی تورکیا رایگەیاند: "لە ماوەی 24 سەعاتی رابردوودا، 63 تووشبووی ڤایرۆسی کۆرۆنا لە تورکیا گیانیان لەدەست داوە، هاوکات 2148 حاڵەتی نوێی تووشبوون بەکۆرۆناش تۆمارکراون".
وەزیری تەندروستیی تورکیا وتیشی: "تا ئێستاش 333 تووشبووی ڤایرۆسی کۆرۆنا لە تورکیا چاک بوونەتەوە و رەوانەی ماڵەوە کراونەتەوە".
بەوەش کۆی گشتیی تووشبووانی کۆرۆنا لە تورکیا گەیشتە 15679 کەس و 277 کەسیش بەو هۆیەوە گیانیان لەدەست داوە.
کۆدی هەواڵنێر: 60113
بۆچوونی بەکارهێنەران