لە تورکیا ژمارەی گیان لەدەست دان بەهۆی کۆرۆناوە گەیشتە 168 کەس
بەشی تورکیا- وەزیری تەندروستیی تورکیا رایدەگەیێنێت، ژمارەی مردووان بەهۆی ڤایرۆسی کۆرۆنای نوێوە گەیشتووەتە 168 کەس.
کوردپرێس: فەخرەدین کۆجا، وەزیری تەندروستیی تورکیا لە هەژماری تایبەتی خۆی لە تۆڕی کۆمەڵایەتیی توویتەر ئاماری نوێی مردووان و تووشبووان بە ڤایرۆسی کۆرۆنای بڵاوکردەوە.
لە ماوەی 24 کاژێری رابردوودا لە تورکیا 11 هەزار و 535 پشکنینی ڤایرۆسی کۆرۆنا کراون و هەزار و 610 تووشبووی کۆرۆنا تۆمارکراون و 37 کەسیش بەو هۆیەوە گیانیان لەدەست داوە.
بەو جۆرەش ژمارەی گیان لەدەست دان لە تورکیا بەهۆی ڤایرۆسی کۆرۆنای نوێوە گەیشتە 168 کەس و ژمارەی تووشبووانی تۆمارکراویش بۆ 10 هەزار و 827 کەس بەرزبووەوە.
رۆژی 11ی ئاداری 2020 یەکەم تووشبوون بە ڤایرۆسی کۆرۆنا لە تورکیا راگەیێنرا و لەو رۆژەوە ژمارەکە لە هەڵکشاندایە.
کۆدی هەاڵنێر: 60113
بۆچوونی بەکارهێنەران