هێزە عێراقییەکان بەهاوکاریی پێشمەرگە، 24 بنکەی داعش خاپوور دەکەن
بەشی عێراق و هەرێمی کوردستان- هێزە عێراقییەکان بەهاوکاریی پێشمەرگە، 24 بنکەی داعشیان لە ناوچەیێکی کێشەلەسەر لە باکووری عێراق خاپوور کرد.
بەپێی هەواڵی کوردپرێس، راگەیاندنی جەنگیی عێراق لە راگەیەندراوێكدا ئاماژەی بەوە کردووە 24 بنكە و بارەگای داعشیان لە سنووری شاری خورماتوو خاپوور كردوە و پێشمەرگە هاوكاریان بووە.
لە راگەیەندراوێكدا راگەیاندنی جەنگیی عێراقی ئاشكرای كرد، ئەمڕۆ دووشەممە 30/3/2020 هێزەكانی سوپا و حەشدی شەعبی و پێشمەرگە لە سنووری خورماتوو و لە نزیک كیڵگە نەوتییەكانی پەلكانە، لە هێرشێدا توانیویانە 24 بنكە و بارەگای داعش خاپوور بكرێت و دەستیش بگیرێ بەسەر ماتۆرسكیل و بۆمبی چێندراو پێخەف و سووتەمەنی و خواردنی تیرۆریستانی داعشدا.
کۆدی هەواڵنێر: 60113
بۆچوونی بەکارهێنەران