خانمەهونەرمەندێکی کورد کۆچی دواییی کرد
بەشی فەرهەنگ و هونەر- گوڵزار محەمەدی خانمەئەکتەر و شانۆکاری کوردی منداڵان بەهۆی تووشبوون بە نەخۆشیی شێرپەنجە کۆچی دوایی کرد.
کوردپرێس:
ڕۆژی یەکشەممە ٨ی ئاداری ۲۰۲۰ گوڵزار محەمەدی ژنەئەکتەر و شانۆکاری کوردی منداڵان لە تەمەنی 42 ساڵیدا بەهۆی نەخۆشیی شێرپەنجەوە کۆچی دوایی کرد.
پێشتر گوڵزار محەمەدی لە تاران لە نەخۆشخانە خەوێندرابوو بەڵام چەند ڕۆژ پێش گەڕێندرایەوە سنە و ئەمڕۆش بەو بۆنەوە گیانی لەدەست دا و تەرمەکەی لە بەشی هونەرمەندانی گڵگۆی بەهەشتی محەمەدیی سنە ئەسپەردەی خاک کرا.
ئەو هونەرمەند و شانۆکارە کوردە ساڵی ١٩٧٧ لە شاری سنە لەدایک بوو و هەر لەوێ دەستی بە کاری هونەری کرد و لە کارنامەیدا لە بواری هونەری شانۆی بووکەڵەییی منداڵاندا دەیان کاری کرد و سەرۆکی ئەنجومەنی شانۆکارانی خانەی شانۆی ئێران بوو.
هاوکات سەرۆکی هەژدەیەمین خولی فێستیڤاڵی نێودەوڵەتیی شانۆی بووکەڵەیی تاران بوو بەڵام مەرگ مەودای نەدا ئەو فێستیڤاڵە بەڕێوە ببات.
کۆدی هەواڵنێر: ٦۰۱۰۳
بۆچوونی بەکارهێنەران