کۆڵبەرێکی مەریوانی لە تەتە کەوتە خوارەوە
بەشی کوردستان- بەڕێوەبەری کۆمەڵەی مەنگی سووری کوردستان لە لێدوانێکدا بە کوردپرێسی وتووە کاتژمێر 6 و 30 خولەکی دەمەوبەیانی ڕۆژی شەمە 3ی ڕەشەمە کۆڵبەرێک لە بەرزایییەکانی تەتە کەوتۆتە خوارەوە و گوازراوەتەوە بۆ بەشی چاودێریی تایبەتی نەخۆشخانەی کەوسەری شاری سنە.
کوردپرێس:
محەمەد باقر محەمەدی بەڕێوەبەری کۆمەڵەی مانگی سووری پارێزگای کوردستان لە لێدوانێکدا بە کوردپرێسی وتووە کاتژمێر 6 و 30 خولەکی دەمەوبەیانی ڕۆژی شەمە 3ی ڕەشەمی 1398 کۆڵبەرێک بە ناوی سەیوان سەیفی تەمەن 30 ساڵ خەڵکی گوندی وێژەنان لە بەرزایییەکانی کێوی تەتە کەوتۆتە خوارەوە و بە توندی بریندار بووە.
موحەمەدی ئەوەشی بە کوردپرێس وتووە کە بە هۆی توندبوونی برینەکەیەوە ئەو کۆڵبەرە گوازراوەتەوە بۆ بەشی چاودێریی تایبەت لە نەخۆشخانەی کەوسەری شاری سنە.
ناوبراو گوتیشی: پاش ئەوەی فەرمانبەران و هاوکارانمان لە کۆمەڵەی مانگی سووری سەوڵاوا ئاگادار کرانەوە بە ئامبوڵانس بریندارەکە گەیێندراکە کۆپتەری فریاکەوتن و لە نەخۆشخانەی مەریوانەوە بەرەو نەخۆشخانەی کەوسەری شاری سنە گوازرایەوە.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران