گەشتەكانی هەردوو فرۆكەخانەی نێودەوڵەتیی هەولێر و سلێمانی بۆ ئێران ڕاگیرا
بەشی عێراق و هەرێمی کوردستان- وەزیری ناوخۆی حکوومەتی هەرێمی كوردستان بڕیاری دا بە راگرتنی سەرجەم گەشتەكانی هەردوو فرۆكەخانەی نێودەوڵەتیی هەولێر و سلێمانی بۆ ئێران، ئەوەش دوای بڵاوبونەوەی ڤایرۆسی كۆرۆنا لە ئێران.
کوردپرێس:
بەگوێرەی نووسراوێک كە واژۆی رێبەر ئەحمەد، وەزیری ناوخۆی حکوومەتی هەرێمی كوردستان لەسەرە، "بڕیار درا بە ڕاگرتنی گەشتی ئاسمانی لە نێوان هەردوو فرۆكەخانەی نێودەوڵەتی هەولێرو سلێمانی و كۆماری ئیسلامی ئێران تا ماوەیێكی نادیار."
لە ئێستاشدا لە هەرسێ مەرزی نێودەوڵەتی باشماخ و پەروێزخان و حاجی ئۆمەران كە هەرێمی كوردستان بە كۆماری ئیسلامیی ئێران دەبەستێتەوە هاتن و رۆشتن تا كاتێكی نادیار قەدەغە كراوە.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران