ئەمەریکا لەسەر کڕینی ئیس400 سزای نوێ بەسەر تورکیا دەسەپێنێت
بەشی تورکیا- ئەمریکا جارێکی دیکە پرسی سزادانی تورکیا دێنێتەوە بەرباس و دەیەوێت لەسەر کڕینی سیستەمی مووشەکی ئێس-400ـی رووسی ئەو وڵاتە سزا بدات.
کوردپرێس: ستیڤ منوچن، وەزیری گەنجینەی ئەمریکا لە وەڵامی پرسیاری رۆژنامەنووسان رایگەیاند: ئیدارەی ئەمریکا تاوتوێی سەپاندنی سزا بەسەر تورکیا دەکات لەسەر کڕینی سیستەمە مووشەکیەکەی رووسیا و لەو پرسە دەڕوانن، بەڵام هێشتا هیچ بڕیارێک لەوبارەوە نەدراوە. هیچ وردەکارییەکی دیکەیشی ئاشکرا نەکرد.
چاوەڕێ دەکرێت قسەکانی وەزیری گەنجینەی ئەمریکا کاریگەری لەسەر نرخی لیرە بەرامبەر دۆلار هەبێت و دایبەزێنێت.
ئەمریکا ناڕازییە لە کڕینی سیستەمە مووشەکییەکە لەلایەن ئەنقەرە و دەڵێت: ئەو رێککەوتنەی هەردوولا مەترسییە لەسەر ئاسایشی فڕۆکەی ئێف-35 و لەگەڵ سیستەمی بەرگریی ناتۆش یەک ناگرێتەوە، کە تورکیا و ئەمریکا ئەندامن تێیدا.
کۆدی هەواڵنێر: 60113
بۆچوونی بەکارهێنەران