كاروانێكی سه‌ربازیی سوپای توركیا ره‌وانه‌ی سووریا كرا
بەشی تورکیا- كاروانێكی سه‌ربازیی كه له تیمەکانی کۆماندۆ پێكهاتبوون به ژماره‌یه‌كی زۆر ئۆتۆمبێلی زرێپۆشی سەربازییەوە ره‌وانه‌ی سه‌ر سنووری سووریا كران.
کوردپرێس: درەنگانی شەوی شەممە 7-9-2019، كاروانێكی سوپای توركیا سەر بە لیوای 20ی زریپۆش كه له ژمارەیێک ئۆتۆمبێلی سەربازیی و زریپۆش و تانک پێكهاتبوون به‌یاوه‌ری تیمەکانی کۆماندۆی سوپا، کە لە رووهای کوردستانی تورکیاوە نێردراون، گەیشتنە هەردوو شارۆچکەی سنووری کڕکهان و هاسسا-ی لە شاری هاتای.
کاروانە سەربازییەکە له چوارچێوه‌ی هێزه‌كانی پشتیوانیی پێكهاتبوون و دواتر رەوانەی نێو سووریا كران به‌مه‌به‌ستی جێگیركردنیان له یه‌كه سه‌ربازییه‌كانی نێو سوپای توركیا له‌و ناوچانه‌ی كه له‌ژێر هه‌ژموونی توركیادان.
سەرچاوە: هابر7
کۆدی هه‌واڵنێر: 60113
بۆچوونی بەکارهێنەران