عەلی کەندی نووسەر و مێژوونووسی کورد کۆچی دواییی کرد
بەشی فەرهەنگ- عەلی کەندی، نووسەر و مێژوونووسی کورد لەتەمەنی 71 ساڵیدا و بەهۆی نەخۆشییەوە کۆچی دواییی کرد. کوردپرێس:
هەندرێن ئەحمەد، بەرپرسی ناوەندی راگەیاندنی حیزبی شیوعی کوردستان بە تۆڕی میدیایی رووداوی راگەیاند "عەلی کەندی، نووسەر و مێژوونووسی کورد کە ساڵانە ساڵنامەی کوردی دەردەکرد و لەبواری رۆشنبیری و مێژوودا رۆڵێکی بەرچاوی هەبوو، ئەمڕۆ کۆچی دواییکرد".
هەندرێن ئەحمەد ئەوەشی گوت "کۆچی دوایی ئەو نووسەر و مێژوونووسە دوای ساڵ و نیوێک ململانێ لەگەڵ نەخۆشیدا دێت"
عەلی کەندی نووسەر و مێژوونووس، خاوەنی چەندین کتێبە وەک: ساڵنامەی کوردستان، کە ساڵانە چاپ و بڵاویدەکردەوە، مێژوونامە، ئینسایکلۆپیدیای مێژوونامە، فەرهەنگی رووداوەکانی کوردستان و وڵاتانی جیهان، کورتەیەک لە مێژووی شارستانێکی کوردستان و جیهان، ئینسایکلۆپیدیای کوردستان و جیهان.
*لە ڕووداو وەرگیراوە
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران