بۆ یه‌که‌م جار به‌رهه‌می گه‌نمی عێراق گه‌یشته ئاستی خۆژێنی
به‌شی عێراق و هه‌رێمی کوردستان- وه‌زیری کشتوکاڵی عێراق ڕای‌گه‌یاند: بۆ یه‌که‌م جار به‌رهه‌می گه‌نمی ئه‌مساڵ گه‌یشته ئاستێک که به‌شی پڕکردنه‌وه‌ی پێداویستییه‌کانی ناوخۆ بکات.
کوردپرێس:
ڕۆژی یه‌کشه‌ممه 28ی ته‌مووزی 2019 ساڵح حسێنی وه‌زیری کشتوکاڵی عێراق له به‌یاننامه‌یێکدا ڕای‌گه‌یاند که ئه‌مساڵ بۆ یه‌که‌م جار به‌رهه‌می گه‌نمی عێراق گه‌یشتووه‌ته چوار ملیۆن و 750 هه‌زار ته‌ن و ئه‌م بڕه‌ش به‌شی پڕکردنه‌وه‌ی پێداویستییه‌کانی ناوخۆ ده‌کات.
ناوبراو ڕاشی‌گه‌یاندووه: ئه‌مه ده‌ستکه‌وتێکی گرنگه بۆ عێراق که بتوانێت به‌رهه‌می ناوخۆ بگه‌یێنێته ئاستێک که به‌شی پرکردنه‌وه‌ی پێداویستییه‌کانی بکات.
شایانی باسه؛ گه‌نم یه‌کێکه له بڵاوترین دانه‌وێڵه‌کان که له عێراق ده‌چێنرێت و ساڵانه ملیۆنان هێکتار زه‌وی به گه‌نم ده‌چێنرێت.
سه‌رچاوه: ئێن ئاڕتی
کۆدی هه‌واڵنێر: 60103
بۆچوونی بەکارهێنەران