هەڵمەتی تیرۆریستی دژ بە تورکیا و بۆردوومانی عێراق لەلایەن ئنقەرەوە شەرمەزار دەکەم
بەپێی هەواڵی کوردپرێس، موقتەدا سەدر لە رێگەی هەژماری خۆی لە تۆڕی كۆمەڵایەتی تویتەر وێڕای ئیدانەكردنی ئەو هێرشانەی لە عێراقەوە دەكرێنە سەر توركیا، رایگەیاندووە: داوا دەكەم حكوومەتی عێراق پارێزگاری لە باشوور و باكوور و رۆژهەڵات و رۆژئاوای وڵاتەكەی بكات و رێگە نەدات لە عێراقەوە هێرش بكرێتە سەر وڵاتانی دیكە و بەپێچەوانەشەوە".
سەدر ئیدانەی بۆردوومانەكانی توركیای كردووە بۆ سەر خاكی عێراق و رایگەیاندووە كە ئەو بۆردوومانانە پێچەوانەی رێكەوتنەكانە و هیچ مانایێكی نییە، پێویستە عێراق سەرجەم ئەو رێكەوتننانە هەڵبوەشێنێتەوە و پارێزگاری لەسەروەری ئاسایشی بكات.
لەبەشێكی دیكەی پەیامەكەیدا، رێبەری رەوتی سەدر داوای لە حكوومەتی توركیا كردووە كە كێشەكانی لەگەڵ ئۆپۆزسیۆن بەشێوەیێکی ئاشتیانە و بە گفتوگۆ چارەسەر بكات.
جێی باسە بە بیانووی بوونی بنكە و بارەگاكانی پەكەكە، سوپای توركیا چەند ساڵێكە بە بەردەوامی ناوچە سنووریەكانی هەرێم بۆردوومان دەكات و لە ماوەكانی رابردووشدا بە قوڵایی چەندین كیلۆمەتر هێزەكانی لە سەر خاكی عێراق جێگیر كردووە.
سەرچاوە: بەغداد ئەلیەوم
کۆدی هەواڵنێر: 60113
بۆچوونی بەکارهێنەران