دوو تەقینەوە لە كەركووک قوربانیی لێکەوتەوە
بەشی عێراق و هەرێمی کوردستان- بەهۆی تەقینەوەیێک لە گوندی سەعدوونیەی سەربە پارێزگای كەركووک، كە هێزەكانی پۆلیسی فیدراڵی كردبووە ئامانج، ئەندامێكی ئەو هێزانە كوژرا و دووانی دیكە برینداربوون، لە تەقینەوەیێكی دیكەشدا هاووڵاتییێک كوژرا و ئەفسەرێكی پۆلیس بریندار بوو.
کوردپرێس: لەوبارەیەوە شانەی راگەیاندنی ئەمنی بڵاوی كردوەتەوە، كارێكی تیرۆریستی لەڕێگەی بۆمبی چێنراوەوە هێزەكانی پۆلیسی لە گوندی سەعدوونیە كردە ئامانج، بەهۆی كردەوەكەوە ئەندامێكی هێزەكانی پۆلیس كوژراوە و دووانی دیكەش بریندار بوون.
هەروەها بۆمبێكی دیكە لە گوندی عەسریەی سەربە پارێزگای كەركووک تەقیوەتەوە، بەهۆی ئەوەشەوە هاووڵاتییێک كوژراوە و ئەفسەرێكی هێزەكانی پۆلیس بریندار بووە.
سەرچاوە: ڕادیۆ نەوا
کۆدی هەواڵنێر: 60113
بۆچوونی بەکارهێنەران