عەمار حەکیم: دەبێت ڕێگری بکرێت لە سەرهەڵدانی شەڕی نێوان ئێران و ئەمریکا
بەشی عێراق و هەرێمی کوردستان- سەرۆکی ڕەوتی حکمە جەخت دەکاتەوە کە دەبێت ڕێگری بکرێت لە سەرهەڵدانی شەر لە نێوان ئەمریکا و ئێران و ئەگریش شەڕ سەری هەڵدا دەبێت عێراق خۆی دوور بگرێت.
بەپێی هەوالی کوردپرێس، سەید عەمار حەکیم سەرۆکی ڕەوتی حکمە لەبارەی گرژییەکانی ئەمدواییەی ناوچەکە هۆشداری دەدات و دەڵێت: ئەگەر لە نێوان ئێران و ئەمریکا شەڕێک سەرهەڵبدات ئەوا وڵاتەکەی زیاترین خەسار لەو شەڕە دەبینێت.
حەکیم ڕاشیگەیاند: بە هەر شێوەیێک بووبێت دەبێت ڕێگری لەو شەڕە بکەین و توندڕەوەکان لە لایەنە جیاوازەکانەوە دەبێت بێدەنگ بکرێن.
سەرۆکی ڕەوتی حکمە دەیشڵێت دەبێت دروشمی "بەر لە هەموو شتێک عێراق" و بەرژەوەندییە نەتەوەییەکان لەبەر چاو بگرین و لەبەرژەوەندیی عێراق و ناوچەکەدایە کە قەیرانی ئێستاکە لە ڕێگای گفتوگۆوە چارەسەر بکرێت.
سەرچاوە: فورات نیووز
کۆدی هەواڵنێر: 60113
بۆچوونی بەکارهێنەران