کارمەندانی گەورەترین کۆمپانیای نەوتیی ئەمریکا لە عێراق کشانەوە
بەشی عێراق و هەرێمی کوردستان- کۆمپانیای ئێکسۆن مۆبیلی ئەمەریکی لە کێڵگە نەوتییەکانی شاری بەسرە دەکشێتەوە.
کوردپرێس: ئاژانسی هەواڵی رۆیتەرز بڵاویکردەوە کۆمپانیاکە بڕیاری داوە کێلگە نەوتییەکانی بەسرە جێبهێڵێت.
رۆیتەرز ئاشکراشی کردووە، کۆمپانیا ئەمەریکییەکە دەستی بە کشانەوەی کارمەندانی لە کێڵگەی نەوتی قوڕنە کردووە و دەیانگوازێتەوە بۆ شاری دوبەی لە ئیمارات.
گواستنەوەی کارمەندانی ئێکسۆن مۆبیل لە دوێنێ هەینیەوە دەستپێکردووە و تا بەرەبەیانی ئەمڕۆی بەردەوام بووە و تەنها بەشێک لە کارمەندانیش لە نووسینگەی کۆمپانیاکە لە بەسرە ماونەتەوە.
لایخۆیەوە وەزارەتی نەوتی عێراق لە بارەی کشانەوەی ئەو کۆمپانیا ئەمەریکییە رایگەیاند: ئەو کارەی ئێکسۆن مۆبیل کاریگەری لەسەر بەرهەمی رۆژانەی نەوتی بەسرە نابێت.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران