ئه‌مه‌ریكا لە عێراق بۆمبه چێنراوه‌كانی داعش پووچه‌ڵ ده‌كاته‌وه
بەشی عێراق و هەرێمی کوردستان- ئەمەریکا بە ھاوکاری لەگەڵ حکوومەتی ھەرێمی کوردستان دەستی کردووە بە ھەڵگرتنەوەی بۆمبە چێنراوەکانی داعش لە عێراق.
بەپێی هەواڵی کوردپرێس، سۆڵۆمێن بلاک، بەرێوه‌بەری پرۆگرامی پووچەڵ كردنەوەی مین و تەقه‌مەنییەکان لە وەزارەتی دەرەوەی ئەمریکا رایگەیاند: دوای رووخانی خەلافەتەکەی داعش بە ھاوکاری لەگەڵ حکوومەتی ھەرێمی کوردستان دەستیان کردووە بە ھەڵگرتنەوەی بۆمبە چێنراوەکانی داعش لە مووسڵ و دەرووبەری.
سۆلۆمن بلاک، لە گفتوگۆ لەگەڵ کوردستان24 گوتی: "ھەبوونی ھێزی چەکدار لە مووسڵ و دەوروبەری و نەبوونی ئاسایش، ئاستەنگی بۆ تیمەکانمان دروست کردووە، بەڵام لەگەڵ ئەوەشدا لە كارەکانیان بۆ پاککردنەوەی ناوچە رزگارکراوەکانی ژێر دەستی داعش بەردەوامن".
کۆدی هەواڵنێر: 60113
بۆچوونی بەکارهێنەران