«قەرەنتینە» لە بۆکان نمایش دەکرێت
بەشی ئازەربایجانی ڕۆژئاوا- قەرەنتینە لە سەر نووسین و دەرهێنەریی عەبدولسەتار شەفیعی لە هۆڵی فەرهەنگی هونەریی کتێبخانەی گشتیی مەستوورەی کوردستانی لە شاری بۆکان نمایش دەکرێت.
سەرۆکی ئیدارەی فەرهەنک و ئیرشادی ئیسلامیی بۆکان تایبەت بۆ کوردپرێس وتی: ناوەڕۆکی ئەم کۆمێدییە لەسەر تەوەری پەروەردە و ڕاهێنانە.
مەنسوور ئەحمەدی سەرۆکی ئیدارەی فەرهەنک و ئیرشادی ئیسلامیی بۆکان زیادی کرد: چیرۆکەکانی کۆمێدیەکەیش لەسەر تەوەری چوارشەممە سووری، ئادابی هەڵسوکەوت و پەروەردەیە.
ناوبراو درێژەی دا ئەم نمایشە کارێکە لە گرووپی شانۆی "هاوار"ی بۆکان کە لوقمان شەهابی و کامران حسێن نژاد ڕۆڵگێڕەکانی نمایشەکە دەبن.
ئەحمەدی ئاشکراشی کرد نمایشی قەرەنتینە تایبەت بۆ قوتابخانە و قوتابییەکانە و هەموو قوتابییەکان بۆ ئەم نمایشە بانگهێشت کراون یان بەمزووانە بانگهێشت دەکرێن.
کۆدی هەواڵنێر: 60113
بۆچوونی بەکارهێنەران